《㩒錢就如被人打劫》@ 「我很天真..... 」 - Shiyuki的專欄（逢星期二刊登）

中學時代，因為多數同學都冇提款卡或信用卡（當然，我唔排除有啲富貴同學可能會有既），多數用錢既時候都只會拎銀包裡面既現金，所以銀包有既多盡其量只會用晒裡面既所有錢，而亦因為咁樣，用錢既時候就會就住就住，諗過計過先會買野。

不過，由於大學要交太量既金錢（咩野學費啊、莊費費、O day),因為一下子要用既錢實在太多啦，所以以免唔記得或者又有錢要急住用而銀包又冇咁多既時候，因此就開左張提款卡啦〜(而根我所以好多大學生都好容易比人氹左而開左張信用卡架！因為有成大橦學校係張卡上面，又特別又靚啊嘛）

好多時就係因為咁，每個人手上最低限度一定會有一張提款卡，（而信用卡有冇，我就唔太清楚啦〜）好啦〜唔理三七二十一，當你手上擁有呢張所謂既提款卡既時候，唔知點解你會有一種莫名其妙既安全感，而我既解釋呢，就緊係因為你可以隨時都有錢係身，只要你去㯲錢既話。

不過唔知當你覺得呢張提款卡方便既時候，又會唔會有一種㩒完錢好似比人打完劫既感覺呢？雖然隨時都可以㩒錢好似好好咁，但你一定冇留意自己有時會越㩒完多，因為你已經唔在咁在意自己夠唔夠錢喇〜而呢個亦可以話係提款卡帶黎既壞處！（其實仲有其他架，下次我再講啦〜）